Dinding juuma sii maakoyiroo soto

Karandingolu meng ka kango soto meng manke English ila Suwo Kono Kango Ninikaroo (Home Language Survey, meng sotota biring dindingolu ye sinyee ka karambungo dung) le kono sii examoo le ke ka jee ning I nyanta English ko Kang Fulanjango (ESL) makoyiroo le soto. Wo examoo be ke la kacaa ning ninikaroolu. Nying English kango noo examoo be soto karambungo sinyeeroo le koola ka dinding la English noo lebel le long. Ning karandingo ye DPI (Department of Public Instruction/Kenebaato Karandiroo Bundaa lebelu 1-5, wo karandingo sii ESL/kang fula karandiroo maakoyiroo le soto. Ning karandingo ye DPI lebel 6 le soto, wo karandingo ye English moyi baake, aning te ESL/kang fula karandiroo le soto.

Kalamutandiroo ning Songoo

Karandirilaalu ka karandingolu la English lebel le dantee dimbayaalu la. Ning dimbayaalu ye londoo le soto ESL/kang fula karandrioo kuwo to, I hakoo le soto ka song warang balang puru nying maakoyiroo lesoto. Dimbayaalu fanang ye hakoo le soto ka i hakiloolu le faling waati wo waati biring I dingolu be Madison karambungolu le kono. Karambungolu suulata ka dimbayaalu le kalamutandi ko I dingo la English kaango we keering nyaadi. (WI State Statute 115.96(2/3).

Kang fula/Aadi Fula Programoo la Suuloolu

Ning karambungo meng be Wisconsin le kono ye karanding tang ne soto meng mang Englis moyi baake mennu ka kang  kiling ne fo aning meng be sang K-3 le kono, warang karandingo mwang sang 4-8 le teema, warang karandingo mwang sang 9-12 le teema, wo karambung kaafo suulaata ka feroo le daada puru maakoyiroo (Pl-1849) ka dindingolu la suuloolu di ila. Lewu ka fo ko programoolu puru dindingolu meng ka kango fula le fo suulaata ka karandirlaalu le soto meng ka kango fula karandiroo lisensoo le soto. Nying kang fula karandirilaalu mang soto, ESL (English ko kang fulanjango) karandirilaalu sii nying dookuwo le ke, ning kang fula karandirilaa makoyirilaalu, ning kango meng I be fo la te ke la Spanish ti.. Lewu ka fo ko nying suuloo puru kang fula karandiroo (WI State Statute 115.97 be kumasi la ning sang kafoo karandingolu siyaa kanyanta karambung kiling ne kono. Karambung kafoolu sii dindingolu conti nyoo la karambung jamaa le kono ka maakoyiroo soto noo, bari i mang suula ka wo ke la.  

Karandingo be nyanta kanyang na

Nying lewu ka fo ko karambung te balang na ka karanding bula ka dung na karambungo, ka karang, ka feng betemaa soto, aning i te karanding faranfansi la, hani ning dinding mu sunkutoo fo kambanoo ti, ning a bota siyoo koteng, ning a ye diinoo koteng le soto, ning a bota bankoo koteng, ning a ye konoo le soto, ning a futuuta warang ning a mu wuluula ti, ning a mu musoo meng ka futuu ning musoo fo kewo meng ka futuu ning kewoo, warang ning a mu moo meng hakiloo fo baloo nasirinta le ti. Nying lewu, aning bankoo bee lewulu, fo ko karanding wo karanding nyanta kanyang na, aning I nyanta karango betoo le soto. Ka nying lewu nyooma, karambungo suulata ka moolu maakoyi meng ka kango fo meng manke English ti. 

Bankoo bee Karanding te fili la Kooma Lewu  (NCLB)

Public Law 107-110-January 2002    115 Stat. 1425

I fanang sii nying karang: The Wisconsin Department of Public Instruction bulletin, Legal Responsibilities When Serving Limited-English Proficient (LEP) Students in K-12 Public Schools found on the world wide web at: https://dpi.wi.gov/english-learners/legal-requirements